2020. urte hau korobirusari lotuta geldituko da historian. Martxotik bizi dugun egoera berezi honek hainbat ekimen zapuztu eta bertan behera utziarazi ditu.
Aurtengoa MIKOLOGIKA-ren hamaikagarren edizioa izango genuen, baina gogoeta sakon eta serio bat egin ondoren antolatzaileek bertan behera uztea erabaki dugu, guztion osasuna babesteak horrelako ekimenen aurretik egon behar duela iruditzen baizaigu.
Ametsgaizto hau laster amaituko den itxaropenarekin, 2021eko udazkenean indarberrituta itzuliko gara.
